है गिरधारी, कृष्ण मुरारी, नईया कर दो पार, खिवैया बण जावो,
बण जावो, बाबा बण जावो, आज खिवैया बण जावो,
संकटहारी, अर्ज गुजारी, लीलै रा असवार, खिवैया बण जावो।

कईया रुस्या बैठ्या हो, बोलो जी कुछ बोलो जी।
रीस करो क्यूँ टाबर पै, आँख्या तो प्रभु खोलो जी।
झुर-झुर रोवै मनडै रो पंछी-2
हिवड़ै रा आधार, खिवैया बण जाओ।
है गिरधारी, कृष्ण मुरारी…

थे रुस्यां ना पार पडै, था सूं प्रीत पुराणी है,
मुलक्या सरसी सांवरिया, निठुराई क्यू ठाणी है,
दीनानाथ अनाथ पुकारै-2
दुखिया थारै द्वार, खिवैया बण जाओ।
है गिरधारी, कृष्ण मुरारी…

कुँज बिहारी बनवारी, मनड़ो म्हारो काचो है,
रूप तिहारो कानुड़ा, नैणा मांही राच्यों है,
फोड़ा घालो, क्यू नही बोलो-2
बोलो लखदातार, खिवैया बण जाओ।
है गिरधारी, कृष्ण मुरारी…

श्याम बहादुर सेवकियो, चाकर है सिरदारा को,
जन्म जन्म को साथीड़ों, केवटियो मझधारा को,
कृष्ण कन्हैया, डगमग नैया-2
दीज्यो पार उतार, खिवैया बण जाओ।

है गिरधारी, कृष्ण मुरारी, नईया कर दो पार, खिवैया बण जावो,
बण जावो, बाबा बण जावो, आज खिवैया बण जावो,
संकटहारी, अर्ज गुजारी, लीलै रा असवार, खिवैया बण जावो।

Share on Facebook

Tweet

Follow us

Save