चाल सखी सत्संग में चाला, सत्संग में माधव आसी,
राम गुण रामगुण गावो म्हारी, सजनी नहि तो जुगड़ा में बैज्यासी।

ब्रह्मा आसी विष्णु आसी, शंकर आसी बाबों कैलाशी,
सुंड सुण्डाल्यो बाबो गणपत आसी, संग में आ गौरजा माँ आसी।।

राम लक्ष्मण दशरथजी का लड़का, माधो वन को वनवासी,
हनुमान सा पायक आसी, संग में आ सीता माँ आसी।।

पलक पलक म्हारे वर्ष बराबर, घड़ी दो घड़ी में सरो जुग जासी,
दोय घड़ी सत्संगत कर्ल्यो, कट ज्याव आ जीव की चौरासी।।

गुरुआं की सेवा हरी की या भक्ति, बनत बनत आतो बन ज्यासी,
मेधाराम सांगलपती बोल्या, हरी ने भज्या से तीर ज्यासी।।

Share on Facebook

Tweet

Follow us

Save