हो म्हारा सालासर हनुमान, हो सुणलो म्हारी थे पुकार
थारी ज्योति जगाई जी, जगाई ओ थारी, ज्योत जगाई जी
हो म्हारा सालासर हनुमान।।

हो म्हारा सालासर हनुमान, हो सुणलो भक्तों की पुकार
थारी ज्योति जगाई जी

घणा दिन सु आश लाग रही, मन में चाव हे भारी,
आंगनिये पधारो बाबा, बाट उडीका थारी,
थारे आया बणसी बात, आकर रख दो सर पर हाथ,
थारी ज्योत जगायीजी ……

दुःख सुख की बात्ता करनी हे, थासु भोत बालाजी,
प्रीत लगाकर ना बिसराओ , हंस देगी दुनिया जी,
मन में करल्यो सोच विचार, महारा बालाजी सरकार ,
थारी ज्योत जगाई जी……

सूत्या हो तो जागो बाबा, जागो हो तो आओ,
मन को धीरज छुट्यो जावे, मतना देर लगाओ,
थे हो भगता का आधार ,आकर थाम लेवो पतवार,
थारी ज्योति जगाई जी..

लाड़ू पेड़ा सवामणी को, थारे भोग लगायो,
पैदल की या जात लगाकर , दर पर शीश नवाओ,
अब सुणलो मेरी पुकार, दुखड़ा मेटो अबकी बार
थारी ज्योति जगाई जी..

Share on Facebook

Tweet

Follow us

Save