टेर : थाने विनती करूं मैं बारम्बार मर्याद भवानी अर्ज सुनो।
गंगे भूप पर कृपा किन्ही गढ़ र नींव लगाय,
देशनोक में बण्यो देवरो शोभा तो बरणी न जाय।
थाने विनती…..
सेखों जी मुल्तान री कैद में घर बेटी रो ब्याह,
बनके कांवली डाल पंजे मैं फेरा सु पहले पुगाय।
थाने विनती…..
गंगे भूप की सहाय करी माँ अंगरेजा र मांय,
अंग्रेजो ने कुबद कमायो सुतोडो सिघड़ो जगाय।
थाने विनती…..
अब रे सिघड़ो आयो भूप पर हथल रोकी आय,
गंगे भूप न पर्चो दीन्हो सिघड़े ने चीर भगाय।
थाने विनती…..
गांव थिराणो जात ब्राह्मण दलूराम कथ गाय,
अन्नक्षेत्र श्रीराम मंदिर के भगतों की करियो सहाय।
थाने विनती…..

Share on Facebook

Tweet

Follow us

Save