लेतो जा ज्ये रै बीरां लेतो जाज्ये,
लेतो जा ज्ये रै बीरां लेतो जाज्ये,
सुगणा बाई रा बीरा,
हो संदेशो म्हारो लेतो जाज्ये॥

पहलो पहलो परचो, माता मैणादे नै दीन्यो,
दुखड़ो माता रो, बाबो सारो हर लीन्यो,
उफणतो दूध थमातो जाज्ये, सुगणा बाई रा बीरा,
हो संदेशो म्हारो लेतो जाज्ये॥

दूजो दूजो परचो बाबो, बिंणजारे नै दीन्यो,
दुखड़ो बिणजारे रो, बाबो सारो हर लीन्यो,
मिसरी को लूण बणातो जाज्ये, सुगणा बाई रा बीरा,
हो संदेशो म्हारो लेतो जाज्ये॥

तीजो तीजो परचो, बाबो बोयता नै दीन्यो,
दुखड़ो सेठा रो, बाबो सारो हर लीन्यो,
डुबयोड़ी नयाव तिरातो जाज्ये, सुगणा बाई रा बीरा,
हो संदेशो म्हारो लेतो जाज्ये॥

चौथो चौथो परचो, बाई सुगणा नै दीन्यो,
दुखड़ो बहणा रो, बाबो सारो हर लीन्यो,
अमृत रस बरसातों जा ज्ये, सुगणा बाई रा बीरा,
हो संदेशो म्हारो लेतो जाज्ये॥

पांचों पांचों परचो, पाँचू पीरां नै दीन्यो,
दुखड़ो पीरां रो, बाबो सारो हर लीन्यो,
झोळी झंडा ल्याय गिरातो जाज्ये,
बाई सुगणा बाई रा बीरा,
हो संदेशो म्हारो लेतो जाज्ये॥

छठो छठो परचो, बालक नाथ जी नै दीन्यो,
दुखड़ो संता रो, बाबो सारो हर लीन्यो,
कानां मैं कुंडल झलकातो ज्याजे,
सुगणा बाई रा बीरा,
हो संदेशो म्हारो लेतो जाज्ये॥

Share on Facebook

Tweet

Follow us

Save