रूपालो मिन्दर थारो सोवनो रे,
धोकवा ने आवे नर नार रे,
रूनीचा वाला, म्हारा निकलंक राजा,
रूनीचा वाला शरण थारी आयो रे॥

राम सरोवर सोवनो रे,
पाल माथे ऊबा बाबा रामदेव,
रूनीचा वाला,
म्हारा निकलंक राजा,
रूनीचा वाला शरण थारी आयो रे॥

लीलो लीलो घोडो थारो सोवनो रे,
अरे मोतीया सु जडी रे लगाम रे,
रूनीचा वाला,
म्हारा निकलंक राजा,
रूनीचा वाला शरण थारी आयो रे॥

ध्वजा फरूके थारे देवरे रे,
आतो लहर लहर लहरावे रे,
रूनीचा वाला,
म्हारा निकलंक राजा,
रूनीचा वाला शरण थारी आयो रे॥

दूरा देशारा आवे जातरी रे,
अरे पूरे बाबो मन री आस रे,
रूनीचा वाला,
म्हारा निकलंक राजा,
रूनीचा वाला शरण थारी आयो रे॥

मेवा मिठाई चढे चूरमा रे,
अरे चढे चढे लीलडीया नारेल रे,
रूनीचा वाला,
म्हारा निकलंक राजा,
रूनीचा वाला शरण थारी आयो रे॥

माली प्रेम री विनती रे,
अरे जुग जुग चरनो रे माय,
रूनीचा वाला,
म्हारा निकलंक राजा,
रूनीचा वाला शरण थारी आयो रे॥

रूपालो मिन्दर थारो सोवनो रे,
धोकवा ने आवे नर नार रे,
रूनीचा वाला,
म्हारा निकलंक राजा,
रूनीचा वाला शरण थारी आयो रे॥

Share on Facebook

Tweet

Follow us

Save