म्हारों सावरियों बनवारी, बण पचरंग पैचाधारी,verified
Maro Sanwriyon Banbari Ban Panchran Pechdhari
♡
Singer(गायक): Prakash Mali
मरुधर में जोत जगाय गयो
Doha :- रामा कन्हू के रामदेव, हीरा कहूं के लाल।
जाने मिल्या बाबो रामदेव, तो बाना किन्हा निहाल।
रामा स्यामा आवजो, कलजुग भयो करुर।
में अरज करू अजमालरा, तो महारो हेलो सुन्ज्जो जरूर।
बोलो रामसा पीर की जय।
म्हारों सावरियों बनवारी, बण पचरंग पैचाधारी,
भगतां रै कारण, अजमल घर अवतार लियो।
कसूमल केसरीया, बाग़ां रो सिणगार कियो।
मरुधर में जोत जगाय गयो,
बाबो धोळी ध्वजा फ़रकाय गयो।
➊ राजा अजमल पुन्य कमायो, थानें पुत्र रूप में पायो।
मैणादे लाड लडायो, मायड़ बण दूध पिलायो।
भादरवा री दूज ने आई गयो, चाँदणीयां सूं चमकाय गयो।
बाई सुगना आरती गावै, भाटी हरजी चँवर ढुलावे।
श्री लक्ष्मी रूप नैतलदे, संग में ब्याव कियो।
कसूमल केसरीया, बाग़ां रो सिणगार कियो।
मरुधर में जोत जगाय गयो, बाबो धोळी ध्वजा फ़रकाय गयो।
➋ बाबो हिंदुवा पीर कहायो, रूणिचो नगर बसायो।
कोई उँचो नाहीं नीचो, सब भेदभाव ने मिटायों।
धोली धरिया में आय गयो, तंदूरा रा तान बजाय गयो।
बाबो कड़ा तिलंगी धारी, ज्यारे लीले की सवारी।
कलयुग में बाबो, पगल्या ने पुजवाय गयो।
कसूमल केसरीया, बाग़ां रो सिणगार कियो।
मरुधर में जोत जगाय गयो, बाबो धोळी ध्वजा फ़रकाय गयो।
➌ बिछयोडा मीत मिलावे, बाबो मन री आस पुरावे ।
भक्ता री लाज बचावै, जो ध्यावे परचा पावे।
हरजी भाटी गुण गाय गयो, गोपालो शरण में आ गयो।
बाबो निकलत नेजा धारी, जारी कीरत जग में भारी।
शरणा आयोड़ा भक्ता, रो उद्धार कियो।
कसूमल केसरीया, बाग़ां रो सिणगार कियो।
मरुधर में जोत जगाय गयो, बाबो धोळी ध्वजा फ़रकाय गयो।
म्हारों सावरियों बनवारी, बण पचरंग पैचाधारी।
भगतां रै कारण, अजमल घर अवतार लियो।
कसूमल केसरीया, बाग़ां रो सिणगार कियो।
मरुधर में जोत जगाय गयो, बाबो धोळी ध्वजा फ़रकाय गयो।
सुगणा रे ऊभी डागळियेVerified Lyrics
नाचे टाबरिया बाबा रो, मंदिरियो फुटरो लागेVerified Lyrics
