।। दोहा ।।
रुणझुण बाजे घुँघरा, लीले रा असवार।
दुखिया ने सुखिया करो, महिमा अपरम्पार॥

रुणझुण बाजे घुँघरा, घोड़े रा बाजे पोड जी।
लीले री असवारी आवे, आवे रामापीर जी॥ …ओजीओ

अरज करू अजमाल रा, संतो तणी पुकार जी।
राम सरोवर आपरो रे, अलख तणी उपकार जी।…ओजीओ
रुणझुण बाजे घुँघरा, घोड़े रा बाजे पोड जी॥

कोई दूर देशा रा जातरू, थारो मेलो भरे भरपूर जी।
दुखियो ने सुखिया करो रामा, मुख पर बरसे नूर जी।…ओजीओ
रुणझुण बाजे घुँघरा, घोड़े रा बाजे पोड जी॥

कोई पिछम धरा रे मारगा, एक अलबेलो असवार जी।
लिलो हिसे धरती धूजे, लूळ लूळ करे जवार जी।…ओजीओ
रुणझुण बाजे घुँघरा, घोड़े रा बाजे पोड जी॥

कोई हरजी भाटी री विनती, बाबा थे मारा मायर बापजी।
नुगरा ने सुगरा करो रामा, घट में बरसे नूर जी।…ओजीओ
रुणझुण बाजे घुँघरा, घोड़े रा बाजे पोड जी॥

रुणझुण बाजे घुँघरा, घोड़े रा बाजे पोड जी।
लीले री असवारी आवे, आवे रामापीर जी।…ओजीओ

Share on Facebook

Tweet

Follow us

Save