दोहा : कबीरा सब जग निर्धना धनवंता ना कोय।
धनवंता सोई जानिए जाके राम नाम धन होय।।
टेर : बांगा दर्शन खोटा रे, जीका कदे राम नाम न भजे।
तीखा तीखा तिलक लगावे लम्बा राखे चोटा।
राम नाम तो आव कोणी कर्म कमावे खोटा।।
बांगा दर्शन…..
साधु बन मंदिर में बैठे नाम कढाव मोटा।
राम नाम तो लेवे कोणी खावे चिकना रोटा।।
बांगा दर्शन…..
माल खाया तो मास बढ़ जा, कांधा होज्या मोटा।
साधु बन मंदिर में बैठे, जाणे मारणा झोटा।।
बांगा दर्शन…..
अच्छे कर्म करो रे भाई, बुरे कर्म से ओटा।
अन्नक्षेत्र श्रीराम मंदिर में सेवा का क्या टोटा।।
बांगा दर्शन…..
भूखे को भोजन करवा दे, दे पाणी का लोटा।
तुरंत आशीष मिलेगी भाई, कदे ना आसी टोटा।।
बांगा दर्शन…..

Share on Facebook

Tweet

Follow us

Save